Sveitalubbi

2004-06-07T13:04:00.000Z

Jæja kraftaverkin gerast enn, ég að skrifa!!! Málið er einfalt, er í vinnunni og það er ekkert, EKKERT að gera í dag. Svo sem ágætt að hafa stundum lítið að gera, en þetta er aðeins of mikið af hinu góða.

Er núna búinn að taka nokkrar vaktir síðan ég fékk skírteinið og gengur bara mjög vel, frábært að hafa ekki kennara á bakinu. Nú getur maður bara gert þetta eins og maður vill, en ekki að hugsa um hvað kennarinn vill. Auðvitað er öll ábyrgðin mín þá líka en það er í gúddí, fylgir bara starfinu. Kann mjög vel við þetta, mikill frítími og ég hef því getað farið aðeins í golf. fór síðast í gær með Gumma vini mínum, hann malaði mig auðvitað, enda var ég að spila eins og asni á fyrri 9 holunum. Gekk svo aðeins betur á seinni 9. Ætti samt að fara að skána núna þegar maður er aðeins kominn með tilfinninguna fyrir þessu aftur, þarf aðeins að laga sveifluna!

Það er búið að vera frekar lítið um aukavaktir, en vonandi verður það betra þegar fleiri fara í sumarfrí, ekki veitir af þeim það sem næsta útborgun í íbúðinni er að skella á. Það reddast samt, held að við stöndum alveg ágætlega svona miðað við allt saman.

Svo er dans í Galtarlæk um helgina en ég reikna ekki með að komast þangað þar sem ég á að vinna fös til sun frá 0830-1830, ætli ég verði bara ekki heima, ekki þá nema að ég renni þangað og kíki aðeins á fólkið. Annars er veturinn að verða búinn hjá okkur og sennilega síðasti dansinn í kvöld, þá verður sumarfrí. Búið að vera góður vetur, töluverð fjölgun og orðinn ansi góður hópur hjá okkur í Jógúrt, gaman af því. Vonandi heldur þetta fólk bara áfram næsta vetur og ekki væri verra ef það kæmu fleiri.

2004-05-22T21:40:00.000Z

Mikið svakalega er þetta blogg dót búið að breytast, kann varla að skrifa hérna inn lengur enda orðið frekar langt síðan ég hreinlega nennti því.

Mikið um að vera í dag, kláraði fyrstu réttindi mín í skólanum og er nú orðinn flugumferðarstjóri, loksins :0). Við erum 4 sem erum að læra hér í Reykjavík og við tókum öll próf í dag og rúlluðum þessu upp eins og við var að búast. Það eru svo 2 úr hópnum sem fór út að læra í Keflavík og annar þeirra er búinn að taka próf og styttist mjög í hinn. Það stefnir semsagt allt í það að við verðum fyrsti hópurinn sem hefur grunnnám þar sem allir klára. Það er alveg frábært. Svo fer ég á mína fyrstu bakt á þriðjudaginn og það verður nú heldur betur skrýtið að hafa ekki Áslaugu sér til halds og trausts en ég hlakka til samt mikið til enda búinn að bíða í 1 og 1/2 ár eftir þessum réttindum. Og það sem meira er að nú fáum við loksins laun, ekki veitir af þar sem skuldir hrannast hratt upp núna þegar maður er farinn að búa og þarf að borga alla þessa reikninga sem fylgja íbúðinni og annað.

Svo er ég byrjaður í golfi núna á fullu eftir að hafa þurft að taka mér frí í 2 ár vegna bakmeiðsla, það gengur fínt, virðist vera að losna við þetta. Skráði mig í GG, Golfklúbb Grindavíkur, og það er alveg fínasti völlur. Borgaði ekki nema 20 þús fyrir árið og fæ einnig að spila frítt í Leirunni í Keflavík. Þetta er auðvitað smá akstur í hvert skipti, en allt í lagi ef við erum nokkrir saman, þá er þetta ekki lengi að borga sig þar sem það kostar í kringum 70 þús að byrja hér í bænum, ef þú kemst að. Á mörgum stöðum er allt að 2 ára biðlisti þannig að ég held að þetta hafi verið besti kosturinn.

2004-04-01T13:53:00.000Z

Kominn suður með mikið drasl. Er ekki viss um að konan sé ánægð með það því hún er búin að vera svo svakalega dugleg að halda heimilinu hreinu og svo kem ég og allt fyllist af drasli. Vona að hún fyrirgefi mér það seinna meir. Kom semsagt í gær, ófært en var verið að moka þannig að ég lagði af stað og ætlaði bara að bíða eftir moksturtækjum ef þurfti. Auðvitað hafði ég ekki þolinmæði í það heldur lagði að stað upp heiðarnar og byrjaði á nokkrum góðum sköflum sem reyndust auðveldir á jeppanum. Hann er á 38" dekkjum og fer held ég bara allt. Hélt áfram og keyrði þá fram á ægilegan skafl, beinn veggur álíka hár og ég, og ca. 2 bíllengdir. Hringdi í vegagerðina og hún sagði að ég yrði sennilega að bíða í 1 1/2 tíma, ákvað því að nota tímann og fara bara að byrja að moka smá för í skaflinn svo bíllinn myndi ekki renna út af í hallanum. Var auðvitað ekki með skóflu þannig að ég gróf eins og hundur. Stoppaði svo auðvitað ekki fyrr en ég var kominn yfir skaflinn og þar mætti ég heflinum, hann var bilaður. Ferðin til Búðardals tók því alls 6 tíma, en tekur venjulega 3. Gekk annars vel eftir það, var 2 tíma í bæinn frá Búðardal.

Erum núna alveg að verða búin að græja íbúðina, eigum eftir að fá aukarúm sem Rakel á. Það kemur fyrir helgi. Síðan er bara að klára að hengja upp myndir og taka til í geymslunni, það er strax farið að safnast drasl þar.

2004-03-30T19:27:00.000Z

Er fyrir vestan að ná í dót í búið. Á hér fínan fataskáp og kommóðu í stíl sem á að fara í gestaherbergið. Er búinn að rífa allt í sundur og er að fara að hlaða í bílinn, en pabbi lánaði mér jeppann til að fara með allt suður. Er búinn að taka öll sæti úr honum nema mitt þannig að það er nóg pláss. Kem líka suður með nýja stofuborðið, það er geðveikt. Síðan er auðvitað fullt fullt af smádrasli sem ég á hér og veit ekki alveg hvað ég á að taka mikið af því (veit ekki hvað Rakel vill fá að einhverju strákadóti í íbúðina sína!!!!). Kemur í ljós. Reikna með að fara svo snemma af stað á morgun og keyra norðurleiðina, þ.e. Ísafjarðardjúpið.

Innflutningspartíið heppnaðist vel, þakka öllum fyrir komuna og kærlega fyrir okkur. Svo eruð þið auðvitað alltaf velkomin í heimsókn.

2004-03-21T10:21:00.000Z

Þá er bara allt að gerast, erum flutt inn núna á Grettisgötu 77, 2. hæð. Byrjaði á fimmtudag að mála og var til 0530, stuð! Eyddi föstudeginum líka í að mála og var loks búinn klukkan 0400, og var þá baðherbergið búið að taka óra tóma. Var frekar ljótur liturinn á flísunum þannig að við máluðum þær hvítar með málningu sem á að henta vel við svona aðstæður, en ég er nú farinn að efast aðeins um það, virðist tolla illa á en það kemur í ljós á næstu dögum. Flutti svo inn mest allt dótið í gær með frábærri hjálp frá Gumma og á hann miklar þakkir fyrir. Hann mætti með fínan bíl og stóra kerru og við vorum bara nokkuð snöggir að græja "allt" þetta dót.

Eyddi svo kveldinu í að koma upp hinu og þessu, þó fór mesti tíminn í að koma ísskápnum fyrir, en það kom í ljós í gær að gatið hafði greinilega minnkað um 1 cm frá því að ég mældi það síðast, úpps. Reddaði því, en þá var næsta vandamál, innstungan stendur svo langt út úr veggnum að ísskápurinn situr ekki alveg nægilega vel, færði hana og náði þá að skorða hann nokkuð vel og það verður prufukeyrt næstu daga, annars verð ég að finna annað ráð. Og svo til að kóróna allt þá virðist ísskápurinn frysta, en frystihólfið kæla þannig að það gæti orðið snúið að bjarga því, á reyndar eftir að fikta í stillingunum, kannski að það verði nóg, en það kemur bara í ljós.

Núna eigum við svo eftir að koma okkur fyrir svona í róleg heitunum, setja upp ljós og myndir,reyna að klára baðherbergið og setja svo upp græjurnar og sjónvarpsdótið, tengja tölvuna og netið og svo auðvitað að finna e-ð dót til að setja í risastóra fataskápinn okkar =0). Allir eru velkomnir að kíkja í heimsókn, en það er ekki líklegt að við eigum e-ð til að bjóða ykkur svona fyrstu dagana meðan við erum að redda smáatriðunum, en velkomin að kíkja á okkur.

Er annars bara í vinnunni núna, byrjar rólega dagurinn en það gæti nú orðið e-ð úr honum þegar líður á daginn, vonum það bara. Ætla núna að nota pásuna og fara í ræktina niðri og kíkja svo í gufubaðið, ekki slæmt það í vinnunni =0).

2004-03-15T08:19:00.000Z

Byrjaður aftur á vöktum og er það vel. Kláraði næstsíðasta prófið á föstudaginn og gekk mjög vel. Núna á ég eftir að vera á vöktum fram í miðjan maí og þá tekur við útskriftarferlið, jei jei. Fínt að vera kominn hingað upp því nú verð ég aðeins meira í fríi og get dundað mér við íbúðina.

Fengum góðar fréttir á laugardaginn, fórum í Grettisgötuna til að mæla veggi og þá sagði konan okkur að hún myndi sennilega flytja allt dótið sitt á þriðjudaginn og að við gætum því amk byrjað að mála og svona á miðvikudag og jafnvel flutt inn fyrir helgi. Það er frábært að fá þessa daga því ég er í fríi mið-lau en á svo að vinna sunnudag og mánudag. Gott að geta notað þessa daga til að mála og svo er hægt að flytja inn á laugardaginn. Guðmundur er svo almennilegur að hjálpa mér og hann kemur á stórum bíl og með kerru þannig að það ætti að reynast auðvelt að flytja allt dótið, sem er nú alveg farið að safnast saman. Þetta er því allt að smella saman og ekki verður slæmt að flytja inn í eigið húsnæði. Gaman gaman gaman.

2004-02-16T23:09:00.000Z

Er sveittari en allt sem sveitt er. Var að koma heim úr dansi og það var ógislega gaman alveg. Margir mættir og mikið stuð. Finnst gaman að sjá þetta fólk mæta alltaf í dansinn á mánudögum en skil ekki af hverji það mætir ekki á fimmtudögum líka, skil ekki skil ekki. Dansaði alveg fullt fullt við fullt fullt af stelpum, nú var engin Rakel og minn var bara frjáls eins og fuglinn, eða eitthvað svoleiðis. Nei nei bara létt spaug. Var samt nokkuð duglegur við þetta og er alveg útkeyrður. Það er gott.

Búið að vera alveg svakalega rólegt hjá mér undanfarið, kláraði prófið auðvitað með stæl og er kominn aftur á vaktir. Búinn að taka 3 næturvaktir af 4 vöktum. Rólegt rólegt rólegt. En samt alveg gaman. Er búinn að lesa mikið í Dreamcatcher eftir Stebba Kóng og það er alveg þrælgaman. Búinn að klára The Shining sem er alveg snilld. Ætla svo að horfa á myndirnar en ég hef hvoruga séð.

Erum svo búin að vera að kaupa í búið. Erum komin með ísskáp, örbylgjuofn og ryksugu, kostaði allt saman 24.000 sem er ekki mikið því þetta er allt í frábæru standi (7 9 13). Eigum núna eftir sjónvarpið og kannski video. erum komin með sófasett og svo er gamli kallinn að smíða fyrir okkur stofuborð, hann er algjör snilli að smíða. Endilega skoðið hér og sjáið sjálf myndirnar og ef þið sjáið e-ð sem ykkur líkar vel við og þið viljið láta smíða þá er bara að tala við mig og við reddum því. Hann er til dæmis með frábærar gestabækur, kistla, póstkassa, pela og bjórdunnur, skip og bara hvað sem er. Reyndar þarf að fara að setja fleiri myndir en þetta er bara rétt að byrja þessi síða. Hann er alveg ógislega klár kallinn og getur smíðað hvað sem er. Verður dálítið skemmtilegt að hafa svona júník borð. Fullt af dóti þarna sem hentar vel í gjafir og annað.

Er hættur, ætla að nota tækifærið meðan kella er á árshátíð og fá mér popp og bjór með Ingó ;-).

2004-02-05T18:49:00.000Z

Jæja þá er þessi törn í skólanum loks að verða búin. Tókum í dag síðustu tvær æfingarnar og það gekk vel. Prófið er svo í fyrramálið og eins gott að maður verði vel á verði og klúðru nú ekki neinu, ekki gott að fara að klúðra þessu dæmi núna. Við tekur svo um 3 vikur á vöktum og svo förum við aftur niður í skólann.

Erum loksins búin að ganga frá íbúðarmálunum, skrifuðum undir í dag, vei vei vei. Fáum hana samt ekki afhenta fyrr en 20. mars en það er í lagi. Verður svo gaman að eiga loks heima hjá sjálfum sér. Hlakka geðveikt til.

Svo er búið að snjóa og ég kemst þá kannski á bretti á laugardaginn. Gaman gaman. Hver vill koma með?????

2004-01-30T10:21:00.000Z

Í skólanum, í skólanum er skemmtilegt að vera!!!

Því miður á það ekki við í dag, er að úldna hér. Svaf alltof lítið og illa og árangurinn í morgun var eftir því, ekkert stórslys svosem, en tvímælalaust ein af mínum versu æfingum. Svona er þetta bara, geri bara betur næst.
Á núna eftir 1 viku í skólanum og svo förum við aftur á vaktirnar, sem verður alveg frábært því maður finnur það vel núna hversu gott það er að geta yfirleitt sofið út og þurfa ekki alltaf að mæta klukkan 0815 í skólann. Bara eins gott að maður skíti ekki á sig þessa viku sem eftir er.

Vorum að æfa salsa í gær, ég, Rakel, Hinrik og Brynja. Vorum að rifja upp spor sem Hinrik hafði lært í Norge og á Ærö. Gekk bara vel en spurning hvað maður man af því í kvöld þegar við hittum Carlos.

Minni alla á salsað um helgina með Carlos, verður eflaust snilldin ein.

2004-01-27T10:51:00.000Z

Jæja þá er loksins eitthvað að gerast í íbúðarmálum. Gerðum tilboð um daginn í Grettisgötu 77 sem var samþykkt, þó með fyrirvara hjá mér um að brunabótamat yrði endurmetið og það mundi hækka svo við fengjum nú lán. Það hækkaði ekki nægilega mikið þannig að við gerðum nýtt tilboð sem var nánast eins og hitt, en breyttum aðeins útborguninni. Og haldið þið ekki að konan hafi bara ekki samþykkt það. Frábært. Erum því núna að fara að ganga frá þessum málum í dag og þá á íbúðarlánasjóður aðeins eftir að samþykkja, en það gæti tekið allt upp í 2 vikur. Erum mjög ánægð með þennan díl sem við gerðum í tilboðinu, bauð 11 millur í fyrsta boði en hún var sett á 11.9 millur. Þetta fyrsta boð var samþykkt. Var dálítið hissa og kannski smá skeptískur á þetta því ég bjóst við gagntilboði, en málið er bara að þetta var það markmið sem konan var búin að setja sér og vissi að við mundum ekkert vera að bjóða mikið hærra þannig að hún tók tilboðinu frekar en að hætta á að missa af þessu því hún var nýbúin að missa af öðru tilboði. Gott mál fyrir okkur, hefðum samt eflaust verið til í að borga meira fyrir hana, en það er hennar mál :0), get alveg eytt þessum peningum í annað, á nú eftir að kaupa ansi mikið í innbúið. Þá er líka um að gera að spyrja alla: Ef þið þekkið e-n sem vantar að losna við hina ýmsu hluti úr innbúi þá vitið þið hvern á að tala við!!!
Fáum svo íbúðina afhenta ekki seinna en 20. mars, vonandi fyrr, og þá verður nú haldið party.

Er kominn í skólann núna í verklegar æfingar á ræmur, hræðilega erfitt maður. Tekur 2 vikur og þá þurfum við að fara í próf, gaman gaman. Verður ansi erfitt að einbeita sér með allt þetta að gerast í kringum mann. Hugsa lítið um annað en hvernig ég á að hafa hitt og þetta í íbúðinni og allt umstangið í kringum hana. Gaman samt.

Svo er auðvitað nauðsynlegt að minnast á salsað sem verður um helgina í Danshöllinni hjá K&D, verður alveg geðveikt gaman. Um er að ræða byrjenda- og framhaldsnámskeið með Juan Carlos frá Kúbu þannig að það verður alveg frábært. Allir að mæta og taka alla vinina með, ekki þörf að hafa dansfélaga með sér.

2004-01-14T20:36:00.000Z

Lífið er frábært þessa stundina =0). Fengum út úr greiðslumatinu í dag og við getum keypt fyrir 12 millur takk fyrir. Geðveikt. Þá er bara að fara að skoða íbúðina í Kópavogi aftur og kannski bara gera tilboð, hver veit!!! Gaman gaman. Annars ætlum við nú að halda áfram að skoða fleiri íbúðir. þóas okkur lítist mjög vel á þessa.

Svo er ég búinn að fá frí í föstudaginn í vinnunni þannig að ég get horft á Idol, það verður gaman. Djamm á föstudaginn, jei jei.

2004-01-14T02:48:00.000Z

Óþolandi!!!

Eitt af því sem ég þoli minnst er að vera andvaka. Get bara alls ekki sofnað í kvöld, búinn að liggja í rúminu í 2 klukkutíma án þess svo mikið sem blunda. Hata það. Hef því ekkert að gera og ákvað þá að skella inn nokkrum línum svona til að brjóta út af vananum =0).

Alveg hellings búið að gerast síðan ég bloggaði síðast, kannski ekki skrýtið því það var víst 27. nóvember 2003, ekki gott það.

Það sem ber kannski hæst er að núna er ég og frökenin á fulla við að skoða íbúðir, erum búin að fara í greiðslumat og ættum að fá út úr því í þessari viku. Kann auðvitað ekkert á þetta, en það lærist smátt og smátt. Skoðuðum mjög efnilega íbúð í gær, hún er í Kópavogi, í mjög skemmtilegri og fjölskylduvænni götu. Hún er rúmlega 70 fermetrar og búið er að endurnýja mikið í henni. Svo er búið að teikna mögulega stækkun upp á 30 fermetra sem gæti komið sér vel seinna meir. Annars er þetta bara voða kósí íbúð sem ég gæti sko alveg hugsað mér að eiga. Það er sett á hana 11.3 sem er nú alveg slatti og svo er bara spurning hvað maður nær henni niður. Svo veit maður aldrei hvað gerist í þessu, gætum skipt um skoðun þegar við skoðum hana aftur og kannski sjáum við aðra sem okkur líst betur á, erum jú bara rétt að byrja. Eftir að hafa skoðað þessa íbúð þá fórum við að pæla í ókostunum, þeir helstu eru að það er engin geymsla og ekkert þvottahús eða innisnúrur. Þetta er auðvitað ekkert mál, eigum svo sem ekkert mikið af dóti enn og svo verður hægt að stækka íbúðina og þá er á teikningu bæði geymsla og þvottaherbergi. Síðan er auðvitað ekkert mál að setja upp snúrur inn á baðherbergi. Verst er hvað maður verður svakalega spenntur við e-ð svona, ég hef ekki getað sofið af tilhlökkun við að flytja út og er nánast búinn að flytja inn í huganum, byrjaður að pæla í hvernig best væri að hengja upp snúrurnar, hvernig við ættum að raða húsgögnunum upp og svo bara hitt og þetta. Get aldrei slappað af.
Vona bara að við fáum út úr greiðslumatinu svo að við getum gert tilboð kannski í vikunni, þá getur hitt fólkið líka farið að leyta sér að öðru og drullað sér út svo við getum flutt inn.

Svo er auðvitað frábært að hafa snjóinn, er búinn að fara 2svar á snjóbretti og það er alveg geðveikt gaman, elska það. Skil ekki hvað ég var að hugsa þegar ég var púki að kaupa mér frekar skíði þegar snjóbrettaæðið var rétt að byrja. Annars er nú rosalega gaman á skíðum líka, maður ætti kannski að fá þau suður og skella sér á þau við tækifæri, verst hvað maður er lélegur á þeim, ekki búinn að fara svo lengi. Jæja það kemur í ljós. Ég ætla amk að nota hvert tækifæri sem ég hef til að fara upp í fjall.

Svo er það auðvitað skólinn, gengur alveg glimrandi vel. Á núna eftir ein 3 eða 4 próf þangað til að ég fæ að taka lokaprófið í maí. Er á vöktum núna og það er alveg æðislegt, maður er alltaf í fríi. Verður svakagott þegar maður þarf að stússast í nýju íbúðinni =0). Annars er ég að fara í skólann í 2 vikur núna í endan janúar. Það gæti orðið ansi strembið en maður hlýtur að meika það eins og annað, vona þá bara að það verði komin niðurstaða í íbúðina svo maður geti einbeitt sér. Kennarinn minn hefur skánað alveg helling og mér líkar bara alveg ágætlega við hana núna. Hún var reyndar veik í síðustu viku þannig að ég var með 2 nýja kennara og það var skemmtileg tilbreyting, að fá svona annað sjónarhorn á þetta allt saman. Lærði helling.

Dansinn er kominn á fullt eftir jólin, vorum með Rock'n'roll námskeið um helgina og mættu um 40 manns, ekkert smá gaman að hafa svona marga. Það voru meira að segja 10 ungir mættir. Vona að þeim hafi fundist gaman og haldi áfram að mæta. Síðan var Hinni með salsa námskeið, ásamt Brynju, og þá var alveg troðið í Danshöllinni, um 70 manns með auka"herrunum". Frábært. Síðan hefur alltaf verið svakagóð mæting á mánudagskvöldum hjá okkur í Jógúrt, sem er meiriháttar. Gaman að dansa þegar það eru svona margir, geðveikt stuð je je.

Veit nú ekki hvað ég á að bulla meira, enda held ég að ég sé búinn með kvótann fyrir næstu mánuðina. Ætli það sé ekki best að reyna að sofna, á að mæta í vinnu á morgun og maður má víst ekki vera þreyttur er það?

2003-11-27T18:16:00.000Z

Fór í veiðiferð í gær með Rikka frænda mínum. Aldrei þessu vant fékk ég bara heilar 3 endur, af 4 mögulegum, meðan frændi fékk ekkert. Held bara að þetta sé í fyrst skipti sem ég fer með honum og fæ meira en hann =0). En veiðiferðin var ekki auðveld, hér kemur sagan:

Köld veiðiferð

Hitti Rikka upp í Breiðholtinu og við fórum af stað í miklum veiðihug eins og ávalt. Fórum á veiðistaðinn, báðir í fyrsta sinn á þessu svæði. Útlitið svart, tjarnirnar freðnar, já FREÐNAR. Veiðihugurinn dvínaði töluvert því ekki líklegt að það kæmi kvikindi til að setjast að freðna tjörn. En hvað um það, komum okkur fyrir í kringum tjarnirnar, ég á einni og Rikki á annarri. Byrjað að dimma, mér kalt þrátt fyrir eina íþróttapeysu, eina ullarpeysu, eina flíspeysu, jakka, ullarsokka og vöðlur. Enn svartsýnn eftir 1 1/2 og ekkert kemur. Pirraður og fer af stað til að leita af Rikka en fann hann ekki vegna þess að hann var í hvítum felufötum. Stóð eins og asni upp á hól þegar kemur flug, stefnir beint á þann stað þar sem ég reiknaði með að Rikki væri. Beið spenntur eftir skothvelli en ekkert gerist. Læðist af stað að tjörninni minni og kem mér fyrir, nú á nýjum stað. Orðið aldimmt og vonin ekki mikil. Heyri þó af og til vængjaþyt, en sé ekkert. Loks kemur af því, 4 endur skella sér niður á svellið fyrir framan mig, í svaka færi. Ég beið töluverða stund tili að reyna að átta mig á þessu og sjá hvort þær mundu ekki hópa sig aðeins saman. Tók sénsinn og skaut, þrátt fyrir að sjá ansi lítið og auðvitað lágu 2 steindauðar. Hinar flugu og ég misst af þeim um leið í myrkrinu. Lagði af stað til að reyna að ná öndunum, en þá kom ein og settist hjá hinum 2. Var fljótur að leggjast niður og plammaði svo á hana og hún lá. 3 stykki, 2 skot. Minn montinn af því miðað við aðstæður. EN þetta var auðveldi hlutinn, nú átti eftir að nú þeim. Þær lágu semst á svellinu, ca 15 m frá landi. Ég lagði byssuna frá mér og byrjaði að undirbúa mig. Ísinn of þunnur til að halda hlunknum uppi, þannig að ég byrjaði á því að brjóta hann alltaf á undan mér með löppunum og höndunum. Gekk vel en fljótlega var ég farinn að sjá það að ég gæti aldrei vaðið alla leið, það var of djúpt. Hélt samt áftam og byrjaði að nota olnbogana og magann til að brjóta ísinn, gat notað belginn í e-ð gagnlegt, braut hraðar svona. Þessu fylgdi þó auðvitað einn smá galli, ég rennblotnaði. Nú var orðið of djúpt til að vaða þannig að ég skellti mér til sunds og braut jafnframt ennþá ísinn með belgnum. Synti kannski 10 metra út í vatnið og það tók pínu tíma að komast að öndunum því það var heldur seinlegt að brjóta ísinn svona. Náði öndunum og dreif mig til baka, var ansi fljótur í land, þrátt fyrir að það hafi verið ansi erfitt að synda í vöðlunum. Fann ennþá ekkert SVO mikið fyrir kuldanum. Stóð upp við bakann og þá áttaði ég mig á því að vöðlurnar vora FULLAR af ísköldu vatni. Nú tók að kólna þannig að ég dreif mig úr vöðlunum og tæmdi þær, fór úr fötunum og skellti mér svo aftur í vöðlurnar bara á síðbrókinni. Allt í góðu enn en ég hafði áhyggjur af þvía ðég var ekki enn búinn að finna Rikka og ég vildi svona helst finna hann fljótlega til að komast heim. Hann kom fljótlega og við fórum upp að bíl. Hann vildi þá auðvitað kíkja á einn stað í viðbót svona í leiðinni og það var nú í lagi. Allt fyrir veiði. Ekkert þar og við fórum heim. Þar var kominn matur, Dominos stóð fyrir sínu eins og vanalega, og konan var svo yndisleg að hengja upp fyrir mig blautu fötin og gefa mér Swiss Miss. Semst góður dagur í gær.

2003-11-24T03:56:00.000Z

Já nei, ég er ekki alveg hættur að skrifa hér. Ekki það að ég hafi ekki tíma, nei ég veit nú bara sjaldnast hvað ég á að babbla um.

Er núna að ljúka næturvakt og ákvað að kíkja aðeins á netið. Get hvort sem er ekkert sofnað strax því í nótt hóf ég lestur á THE SHINING eftir Stebba Kóng. Jamm lagði loks í það að lesa meira en bara aftan á hana, en þori ekki að fara að sofa núna, ekki alveg strax a.m.k.. Skemmtilega skrifuð bók sem maður dettur alveg inn í og maður skítur hreinlega á sig, þó ekki í bókstaflegri merkingu =0). Annars róleg næturvakt, eins og undanfarnar nætur. Þó eitt skemmtilegt, stærsta vél í heimi, ein sinnar tegundar, flaug í gegnum svæðið. Já engin önnur en Antonov 225, en það vissu það allir er það ekki. Ekki á hverjum degi sem hún sést í svæðinu.

Er ennþá pirraður yfir tölvunni. Hef ekki keypt mér meira minni eða skjákort. Er hins vegar búinn að fá fullt af leikjum frá Dabba (takk Dabbi), en ég get bara ekki spilað þá strax. Fékk reyndar CM03/04 hjá honum en kann lítið á hann. Prufaði hann aðeins í dag og vitir menn, hann var bara nokkuð skemmtilegur. Er líka búinn að fá Playstation 1 lánaða og hef því nægan tíma til að dunda mér þegar ég er í fríi.

Fer svo reyndar niður í skóla í 2 vikur í byrjun desember. Það verður fínt þóas það veri strembið að vakna alltaf fyrir 0800 og fara í skólann. Ekkert bóklegt samt, bara verklegt til 1600. Ágætt að fara og læra aðeins meira, verður að viðhalda þekkingunni því það er töluvert rólegra á vaktinni heldur en niðri í skóla, þar sem þeir eru oft að reyna að hanka mann á hinum og þessum reglum, koma manni í ýmis vandræði sem maður mundi seint vera svo vitlaus að koma sér í í raunveruleikanum og svo eigum við að redda okkur út úr þeim. Skemmtilegt ekki satt.

Er farinn í bælið, ætla að sofa til 0900 á morgun og skríða svo heim og sofa meira.

2003-11-13T15:58:00.000Z

Brjálaður, óþolandi, hata þessa tölvu. Vildi að ég hafði keypt mér eitthvað annað en ódýrt drasl, en nei fjármálin leyfa það víst ekki sem stendur. Nei nei þannig er nú það. Verð að þola þetta drasl og reyna að kaupa nýtt í hana þegar færi gefst. Pirrandi samt að vera búinn að taka hana í sundur til að setja skjákort í og svo passar það ekki, er ekki hægt að hafa eins raufar fyrir þessi skjákort. Hata þessi tölvufyrirtæki, gera allt til að græða peninga af svona fátæku fólki eins og mér.

2003-10-30T21:26:00.000Z

Kraftaverkin gerast enn!!! Já ekki nema 4 dagar síðan ég skrifaði hér síðast. Vel það =0).

Jamm og já, er í vinnunni á næturvakt og virðist ætla að vera róleg eins og venjulega sem er bara fínt. Síðustu 2 dagar hafa verið fínir, alveg slatti að gera hér, sérstaklega í gær. Á eftir að vera á vöktum í 4 vikur og fer svo aftur niður í herminn að læra meir. Gengur alveg ágætlega, a.m.k. hefur enginn drepist enn!

En nóg um vinnuna. Í dag var dæmt í máli Arsenal vegna slagsmála á Old Trafford.

Útkoma:

Lauren 4 leiki og 40.000 punda sekt
Keown 3 leiki og 20.000 punda sekt
Viera 1 leik og 20.000 punda sekt
Parlour 1 leik og 10.000 punda sekt
Ashley cole ekkert bann en 10.000 punda sekt

Þar að auki fær Arsenal alvarlegar ávítur fyrir að hafa ekki stjórn á leikmönnum sínum og 175.000 punda sekt.

Samtals eru þetta 275.000 punt eða 35.453.000 kall. Ágætis upphæð en mér finnst að Keown hefði átt að fá lengra bann og finnst einnig Jens Lemann sleppa vel, en hann var sýknaður. Stjórn Arsenal fékk leikmenn til að játa á sig sakir og því er refsingin ekki meiri en þessi.

Enn á eftir að dæma í máli Giggs og Ronaldo en þeir hafa báðir neitað aðild, líklegt er þó að þeir fái væna sekt.

Rio Ferdinand bíður nú eftir dómi sínum vegna þess að haf GLEYMT að mæta í lyfjapróf og ég er skíthræddur um að hann fái 2 ára bann til þess að koma í veg fyrir að aðrir reyni að komast undan lyfjaprófi. Kannski erfitt að vera ósammála því en held að hann hafi í raun og veru gleymt að mæta og að hann hafi gert allt sem hann gat til að láta vita þegar hann fattaði það og fór svo í lyfjaprófið 32 tímum seinna og stóðst það. Vona bara að hann sleppi með sekt eða a.m.k. ekki meira en 3 mánaðar bann.

2003-10-26T01:51:00.000Z

Já ég veit, ég er alveg svakalega duglegur að skrifa hérna inn, geri bara varla neitt annað =o).

Svona er þetta víst bara hjá mér, hef nákvæmlega ekkert að segja til að skrifa hér inn. Er nokkuð viss um að fólk sem kíkkar hér við stöku sinnum, ef einhverjir gera, nenna ekki að lesa um það sem er að gerast í vinnunni hjá mér. Og það er nú nánast það eina sem ég hef verið að gera nú nýlega. Þegar ég hef verið í fríi hef ég farið í Sporthúsið að reyna að hreyfa spikið og svo heim að glápa á imbann. Skemmtilegt það. Fer seint að sofa og vakna seint og þetta veldur því auðvitað að þegar ég vil sofna snemma þá get ég það ekki. Eins og núna. Brjálaður.

Ekki bætti það úr skák að United gat ekki rassgat í dag, drulluðu á sig.

Vorum með námskeið í dag í RR og gekk svona la la. Er ekki alveg búinn að ná mér eftir veikindin en vonandi ver ég betri á morgun. Hefði bara viljað fá mér öl í kvöld og verða blindfullur, er í þannig skapi þessa dagana. Geri það bara næstu helgi.

2003-10-09T13:25:00.000Z

Jæja þá fer dagsverki mín að ljúka. Er búinn að brjóta saman þvottinn og er að klára að þvo. Duglegur. Svona er lífið þegar maður er alltaf í fríi, verð að venjast þessu. Annars er þetta alveg ágætt því Rakel getur þá eytt meiri tíma í að læra, alveg nóg af því hjá dúllunni.

Vorum annars með síðasta salsakvöldið í gær og það heppnaðist alveg ágætlega held ég. Fannst þetta ganga best af þessum fjórum kvöldum. Nú tekur við körfubolti á miðvikudagskvöldum. Gaman gaman.

2003-10-05T10:58:00.000Z

Var að ræða við kennarann minn um atferli lögreglunar í morgun og þetta kom henni nú ekkert svo á óvart. Hún býr niðri í bæ og sagði að fyrir nokkrum árum hefðu verið framin 2 morð í Leifsgötu. Þetta er bara glæpagata, jæks. Nei nei, mér finnst þessi staður reyndar vera alveg frábær. Elska 101 RVK, eitthvað sem ég hélt að ég mundi aldrei láta út úr mér. En svona er þetta. Er bara alveg frábær staðsetning, stutt í allt, ekkert mál að rölta heim úr bænum eftir djammið, rólegt umhverfi og annað eftir því. Vildi alltaf finna mér íbúð sem lengst frá miðbænum, helst á Álftanesinu, en núna held ég bara að ég vilji búa sem næst bænum ef maður finnur íbúð á skítsæmilegu verði. Þá verður stutt fyrir Rakel að fara í skólann og mig í vinnuna, og svo auðvitað svo auðvelt að koma krökkunum í æfingar hjá KR =0). Stefni á það.

Annars er búið að vera rólegt í morgun en ég er nú alveg skelfilega þreyttur. Fór í gymmið áðan í síðustu pásu til að hressa mig við og ég vaknaði aðeins við það, en núna er ég að lognast út af aftur. Eins gott að maður geti sofið út á morgun, en þá byrja ég á næturvakt. Þetta þýðir reyndar að ég kemst ekki í dansinn sem er auðvitað alveg hræðilegt. Verð nú að læra fljótlega eitthvað af þessu sem strákarnir lærðu um helgina hjá Amund og June. Gaman gaman. Annars stóð Rakel dúlla sig eins og hetja og dansaði herra á námskeiðinu í gær þannig að ég get fengið hana til að kenna mér það sem þau lærðu, ef það er eitthvað sem ég kann ekki. Rakel þú ert æði.

United valtaði yfir Birmingham í gær, 3-0, Nilli setti hann, ásamt Scholes og Giggs. Ágætur leikur hjá þeim, þó þeir hafi verið einum fleiri megnið af leiknum. Finnst samt eins og það vanti eitthvða í liðið, veit ekki hvað, en held að það vanti sárlega stórstjörnu. Er farinn að sakna Beckham mun meira en ég bjóst við. Liðið spilar ágætlega saman en eini maðurinn á miðjunni sem skapar eitthvað er Palli. Giggs stendur reyndar alveg fyrir sínu, er náttúrulega bara snillingur, og Ronaldo á góðar innkomur, Fletcher er búinn að standa sig mjög vel, en það vantar samt alltaf eitthvað uppá hjá þessum gaurum. Vörnin er búin að vera alveg frábær, fyrir utan Stuttgart leikinn, og Howie er hreint snilli í markinu. Svo er annað sem mér finnst um liðið sem er nýtt, það er enginn sóknarþungi. Menn spila vel fyrir framan vítateig andstæðingana, en það gerist bara ekkert meira. Þarna hefði verið drullu gott ef Ronaldinho hefði verið keyptur, eða þá bara að hafa það einfalt, EKKI SELJA VERON. Svo vantar alveg sárlega sóknarmann í liðið. Barnafésið er meitt, og spilar reyndar á hægri kanti þegar hann er heill, og því vantar einhvern góðann með Nilli Snilla. Ole er góður og það væri nú alveg fínt að sjá han spila stundum frammi og nota Fletcher eða Ronaldo á hægri kantinum. Síðan er auðvitað hetjan mín, Forlan. Hafði gríðarmikla trú á kappa fyrst, en hún hefur verið á stöðugri niðurleið. Hann er ekki alveg að meika þetta. Verður sennilega aldrei meira en miðlungsgóður varamaður. En maður veit nú aldrei. Og hvað er svo með Bellion. Getur hann ekkert eða fær hann bara ekki tækifæri. Stóð sig vel á undirbúningstímabilinu, en fær fá tækifæri. Skil þetta ekki.
Lausnin fyrir Fergie er auðvitað sú að kaupa Eið Smára. Flott að sjá hann með Nilla. Eiður er sterkur og góður sóknarmaður, ekki ósvipað og Nilli, en Eiður er líka útsjónasamur og getur búið til færi og mörk úr engi. Einmitt það sem þarf. Kaupa Eið, kaupa Eið, kaupa Eið, kaupa Eið, kaupa Eið, kaupa Eið, kaupa Eið, kaupa Eið, kaupa Eið, kaupa Eið.

Jæja er hættur þessu rugli, ætla að éta banana og leggjast fyrir framan imbann.

2003-10-05T07:52:00.000Z

Vaktin í gær var nú töluvert öðruvísi en ég bjóst við. Alltaf þegar ég var að fara að taka við kom kippur og varð alveg nóg að gera, bara gaman.

Stefnir í erfiðan dag, erum ein í stöðu þannig að það eru fáir sem geta leyst okkur af. Kemur annar klukkan 11 en spáin er þannig að við verðum sennilega að vinna bæði í einu þannig að ekki verður mikið um pásur og ræktin verður því að bíða í bili a.m.k..

Veit nú ekki hvað er í gangi í Leifsgötu, en þegar ég lagði af stað í vinnuna klukkan 0630 í morgun var ég tekinn að tali við löggumann. Þeir voru þá 3 að tala við unga konu í næsta húsi og komu 2 til mín og fóru að spyrja mig um hitt og þetta. Frekar óþægilegt það. Leið eins og stórglæpamanni bara, vopnaður 2 bönunum, epli og íþróttatösku. Alveg stórhættulegur er það ekki. Sagði þeim nú að ég hefði farið snemma að sofa og vissi því ekki neitt um neitt, sem er reyndar alveg dagsatt. Var kominn í rúmið fyrir 2200, en sofnaði reyndar ekki fyrr en eftir miðnætti. Man ekki eftir að hafa orðið var við neitt óvenjulegt en held reyndar að það hafi verið party í húsinu við hliðina, því sama og löggumann stóð fyrir utan og talaði við stelpuna í morgun. Skrítið þetta. Ef einhver veit eitthvað um þetta þá má endilega láta mig vita því ég er forvitinn.

2003-10-04T11:24:00.000Z

Kominn í vinnuna aftur eftir þriggja daga frí. Spáin fyrir daginn í dag er róleg, aðeins um 95 vélar, sem er víst ekki neitt. Það er reyndar alveg ágætt þar sem ég er þreyttur eftir dansinn í gær. Fór á sving camp í Hveragerði með jógúrt og skemmti mér alveg konunglega. Svaf lítið og fór snemma af stað í bæinn. Rétt slefaðist yfir Hellisheiðina, en það er alveg svakalega hált og löggimann búinn að vara við hálku þar í dag og að fólk sé lítið á ferðinni. Gekk samt þokkalega hjá mér, rásaði nokkrum sinnum aðeins til en ekkert til að hafa áhyggjur af enda keyri ég alltaf svo rólega nú til dags =o). Hugsa nú samt að ég nenni ekki að renna austur í kvöld, enda að vinna til 20 og svo byrja ég aftur klukkan 07 í fyrramálið. Ætli ég leyfi þá konunni ekki bara að vera frjálsri og sleppa af sér beyslinu í kvöld með Norsaranum, Amund, en hann er hér ásamt June og fleirum til að kenna okkur að dansa. Og ekki veitir af!!! Voru með skemmtilegt línudansanámseið, já ég er ekki að ljúga, skemmtilegt línudansanámskeið, í gær og eru nú alveg skítsæmileg í svinginu. Gaman af þessum norska stíl, fíla hann í botn.

2003-10-01T03:40:00.000Z

Jæja þá er farið að líða vel á fyrstu næturvaktina og ég kominn í pásu. Get nú lagt mig til 7 og þá má ég fara heim að sofa. Búið að vera töluverð umferð og nóg að gera, er samt alveg þokkalega sáttur við gengi mitt í nótt. Gaman að þessu svona þegar svona mikið er að gera. Skemmtilegasta starf í heimi held ég bara. Frábært. Er mjög feginn að hafa farið út í þetta og hætt í lífefnafræðinni, sá mig ekki alveg vinna við það þóas þetta hafi verið áhugavert efni. Fílaði mig bara ekki alveg nógu vel. Annað með þetta, hefur verið skemmtilegt frá byrjun og skemmtileg lífsreynsla að fara svona út í nám þóas ég hafi saknað dúllunar minnar alveg rosalega mikið. Það var svo líka ógislega gaman þegar hún kom út til mín og við fórum að skoða allt mögulegt og gera allt mögulegt. Fékk meira að segja að fara í loftbelg (lengi verið draumur =o) ).

En núna er ég hættur þessu blaðri og ætla að reyna að finna rúmin sem eru niðri í kjallara og fara að leggja mig. EL

2003-09-30T21:54:00.000Z

Fyrsta næturvaktin hafin og byrjar ansi rólega, ágætt eftir mjög flókna umferð á síðustu vakt. Var hreint brjálað. Reyndar er útlitið fyrir nóttina þannig að það gæti orðið ansi mikil umferð þegar líða tekur á nóttina, gaman að því er það ekki bara. Er í pásu núna til 23 og vinn þá samfleytt til 4 í nótt en þá má ég leggja mig fram til 7 og fara svo heim, þ.e. ef ekki verður alveg vitlaust að gera.

Er svo með námskeið á morgun með elskunni minni, salsa á miðvikudagskvöldum. Þetta er 3 kvöldið af 4 og fórum núna að kenna eitthvað virkilega skemmtilegt og pínu flókið fyrir dömur. Gaman gaman.

2003-09-29T11:50:00.000Z

Er í vinnunni, gaman gaman. Minni alla á að mæta í dans í kvöld, Stebbi verður með 10 miða kortin sem seljast á 2000 kall, sparar heilann 1000 kall. Ekki slæmt það. Allir að mæta, sjáumst þar =o)

2003-09-28T21:33:00.000Z

Fyrsta vaktin mín búin og allir enn á lífi. Er það ekki það sem þetta snýst allt um, koma flugvélunum á réttann stað án þess að drepa einhvern, held það nú. Ágætis vakt bara, róleg og fín. Vann svona ca. í klukkutíma í senn og svo klukkutíma pása, ágætt. Gat því horft á slatta af formúlunni, þar sem minn maður stóð sig frábærlega og vann, er nú nánast búinn að tryggjar sér 6 titilinn. Enginn hefur unnið 6 ökumannstitila í formúlu 1. Bestur.

Annars var ég nú að skoða bloggið hjá systu og hún er víst að reyna að kenna fólki kínversku, reynið sjálf:

1) That's not right ......... Sum Ting Wong

2) Are you harboring a fugitive?..... Hu Yu Hai Ding

3) See me ASAP..........Kum Hia Nao

4) Stupid Man ..............Dum Gai

5) Small Horse ...........Tai Ni Po Ni

6) Did you go to the beach? ........Wai Yu So Tan

7) I bumped into a coffee table ........Ai Bang Mai Ni

8) I think you need a face lift .......Chin Tu Fat

9) It's very dark in here .....Wao So Dim

10) I thought you were on a diet ......Wai Yu Mun Ching?

11) This is a tow away zone .......No Pah King

12) Our meeting is scheduled for next week ..........Wai Yu Kum Nao?

13) Staying out of sight .........Lei Ying Lo

14) He's cleaning his automobile ..... Wa Shing Ka

15) Your body odor is offensive .......Yu Stin Ki Pu

16) Great .....Fa Kin Su Pah

2003-09-28T14:27:00.000Z

Fyrsta vaktin hafin og gengur held ég bara ágætlega, dálítið skrýtið að vera kominn svona útí alvöruna, en jafnframt mjög gaman.

Ekki er nú mikið að segja frá hinni miklu veiðiferð sem ég og Gummi fórum í. Stór áform uppi um hvað ætti að veiða mikið og við farnir að elda aflann löngu áður en hann var veiddur. Svo fór að við fengum ekki neitt, jú reyndar einn skarf á leiðinni heim, en ekkert þar sem átti að drepa endur. Vorum þvílíkt óheppnir því þegar við vorum búnir að koma okkur fyrir á laugardagsmorgun um 7 og flugið um það bil að hefjast, þá verðum við varir við mannaferðir. Þvílík tilviljun að akkúrat þennan dag átti að smala í eyjunni. Ömurlegt.is. Meðan á smölun stóð þá gátum við ekkert gert því fólk var þarna í kring og vitir menn, auðvitað komu 3 vel stórir andarhópar sem báðu um að vera veiddir, en nei ekki hægt að skjóta. Síðan fældust þeir auðvitað þegar mennirnir fóru að hrópa á eftir rollunum. Við biðum nú töluvert lengi eftir að þeir fóru en auðvitað voru þeir búnir að skemma þetta og það kom ekki kvikindi á vatnið eftir þetta.
Eftir stendur góð útivera og skemmtun þóas veiðin hafi ekki verið góð. Gaman að þessu samt, væri auðvitað ekki gaman að veiða alltaf helling, en samt verður maður nú að ná einhverju, er það ekki???

2003-09-26T10:05:00.000Z

Óska hér með eftir GÓÐRI uppskrift af kínverskum núðlum, eru svo góðar með miklu chili sulli.

2003-09-26T10:02:00.000Z

Jæja þá er fyrsta áfanga í verklegri þjálfun lokið, lauk með prófi núna í morgun þar sem mér gekk bara alveg ágætlega. Núna tekur við vaktir, sú fyrsta á sunnudag, þó ekki sem flugumferðarstjóri, heldur sem nemi og kennari situr með manni allann tímann. Spennandi er það ekki!!!

Er svo vonandi að fara í veiði í dag, ég og Gummi ætlum að skella okkur út í Bjargey og reyna fyrir okkur í öndinni. Aldrei að vita nema hægt verði að drepa smá skarf og svartfugl líka, kemur í ljós. Annars er veðurspáin ekkert spes en maður lætur sig nú hafa það. Vonandi gengur betur að hitta núna en síðast, hitti lítið í þeirri ferð en skánaði samt í lokin. Verðum fram á lugardagskvöld því ég þarf að vera mættur á vakt kl. 1100 á sunnudaginn, vel sofinn.

Miklir eftirmálar eftir United-Arsenal, vona að dregið verði stig af Arsenal fyrir þessa fáránlegu hegðun, ættu að skammast sín, heyrið þið það: SKAMM SKAMM
Þoli ekki þessa karla þarna í vörninni hjá þeim, leiðindaskarfar. Svo er Viera alltaf vælandi, óþolandi þóas hann sé góður fótboltamaður. Svona er þetta, kemur allt í ljós fljótlega.
Skil samt ekki alveg af hverju Giggs og Ronaldo voru ákærðir, en það hefur sennilega farið fram hjá mér.

2003-09-21T21:31:00.000Z

Skandall og ekkert annað. United vs. Arsenal í dag, 0-0. Nilli klúðraði víti á 92 mínútu, skaut í þverslá. Vorum betri en engin færi. Skil svo ekkert í Wenger að vera að væla yfir því að Viera hafi fengið rautt, hann reyndi að sparka í Nilla og þetta var réttur dómu, fengu báðir gult og Viera fauk útaf. Gott á hann, grófir Arsenal, þoli þá ekki. Var brjálaður alveg hreint. Nilli er samt langbestur, vantar smá stuðning fammi, enginn Becks, enginn Veron , enginn Scholes. Ronaldo var svo sem ágætur, hann á eftir að verða svakalegur en við þurfum stjörnu í liðið núna, ekki einhvern sem verður stjarna eftir 2-3 ár, heldur núna. Er brjálaður við Kenyon. Vildi ekki punga nógu miklu út til að kaupa Ronaldinho og svo fer hann bara til Chealskí. Fergie verður að versla mann eða menn þegar leikmannamarkaðurinn opnar í janúar, ef það verður ekki orði of seint þá. Vona ekki.

Svo er það nú annað mál með KR. Þeir voru að gera góða hluti á laugardaginn, hóst hóst. Töpuðu ekki 2-0, eða 3-0. Nei nei, gerðu þetta með stæl og töpuðu 7-0, fyrir FH. Ótrúlegt að menn skuli gera svona í síðasta leik mótsins, orðnir meistarar og hætta þá bara að spila fótbolta. Ættu að skammast sín. Þetta er í fyrst sinn sem ég viðurkenni það að ég skammaðist mín fyrir það að vera KR-ingur, samt eru þeir meistarar og búnir að vera með besta liðið í sumar. Þetta er bara ekki í lagi að haga sér svona.
Eins og ég vonaði þá féll Valur (sorrý Ólöf, þoli þá bara ekki) en ógeðis Fram hélt sér uppi. Leiðinlegt að Þróttur hafi fallið því þeir voru að spila ágætis bolta, en svona er nú það.

Dansnámskeið um helgina, var svo sem ágætt. Held að það hafi verið um 6 ný pör og það er fínt. Vonandi að einhver af þeim haldi áfram. Svo er salsa á miðvikurdaginn og ég og KONAN erum að reyna að ákveða hvað skal kenna núna, því nú fer þetta að verða skemmtilegt og flókið, vona að einhverjir mæti.

2003-09-19T16:21:00.000Z

Allir að koma að dansa á morgun. Rock'n'roll námskeið í danshöllinni, Drafnarfelli 2, kl. 16-1830 laugardag og sunnudag. Aðeins 2000 kall fyrir alla helgina, það er náttúrulega bara ekki neitt fyrir svona frábæra skemmtun. Geðveikt gaman, ég lofa.

Er á fullu í verklegu núna þessa vikuna og næstu og gengur bara alveg bærilega og þetta er alveg ógislega gaman. Eftir þessar tvær vikur fer ég svo að byrja á vöktum í einskonar starfsþjálfun og fer annað slagið niður í verklegt þangað til ég útskrifast (vonandi) í maí. Hlakka geðveikislega mikið til að byrja á vöktum og gera loksins eitthvað alvöru. Þið ættuð þó ekki að þurfa að kvíða því að fljúga, því ég verð alltaf með kennarann á bakinu og hann grípur inn í ef með þarf :-).

Svo má nú ekki gleyma salsanámskeiðinu sem ég og kellingin vorum með á miðvikudagskvöld, fyrst námskeiðið okkar ever. Held bara að það hafi gengið skítsæmilega, kemur þó betur í ljós þegar við sjáum hvað margir skila sér næsta miðvikudagskvöld.

Svo er nú síðasta umferðin í fótboltanum hér heima. Mínir menn í KR eru auðvitað löngu búnir að tryggja sér titilinn en eru heldur betur búnir að gera á sig í síðustu tveimur leikjum. Verða nú að hífa upp um sig brækurnar og vinna síðasta leikinn. Vona að Valur og Fram falli.
United er að gera það gott í enska. Eru í öðru sæti, einu stigi á eftir Arsenal, en þessi lið mætast núna á sunnudaginn og þá tökum við auðvitað toppsætið af þeim. Ekki spurning.

2003-09-12T19:29:00.000Z

VEI VEI VEI!!!! Ég náði. Fékk 94.5 í almenna prófinu og 92 í aðskilnaði. Var reyndar að vonast eftir aðeins hærra þar, en er mjög sáttur fyrir því. Gott að vera búinn.

2003-09-12T12:07:00.000Z

Er búinn með bóklega, VEI VEI VEI VEI. Ætla a.m.k. rétt að vona að ég hafi náð þessum tveimur prófum sem ég var í í morgun. Gekk bara alveg þokkalega, en ég er náttúrulega vanur að gera einhverjar klaufavillur, svo nú er bara að bíða og sjá. Fæ út úr þeim væntanlega seinnipartinn :-).

2003-09-07T16:01:00.000Z

Þessi helgi hefur heldur betur verið með rólegasta móti hjá okkur hjúunum. Eyddum stórum hluta gærdagsins og langt fram á kvöld í lærdóm og slöppuðum svo aðeins af yfir Vanilla Sky, ágætis ræma þar. Ætlunin var að læra mikið í dag líka en hef bara ekki haft mig í það að byrja. Verð samt að gera eitthvað því prófin nálgast. Erum svo að fara að læra aðeins í salsa í kvöld með Hinna og Brynju, það verður nú aldeilis frábært.

Ísland gerði það heldur betur gott í gær, völtuðu svoleiðis yfir þýskarana en gátu ekki drullast til að koma boltanum yfir línuna, ekki nógu gott. Þeir voru samt alveg magnaðir.

2003-09-03T20:36:00.000Z

Þrátt fyrir að við höfum fest kaup á nýrri tölvu og ADSL tenginu þá hefur nú dugnaðurinn við að skrifa hér inn ekki aukist. Hef hreinlega ekki mikið merkilegt að segja. Get auðvitað talið upp allt það merkilega sem ég er að læra í skólanum en ekki er víst að alveg öllum finnist skemmtilegt að lesa um Blue Spruce leiðir, þó svo að flestum finnist það geysilega áhugavert. Ég er semst að læra þær núna og gengur ágætlega. Gengur annars alveg ágætlega í skólanum og er að reyna að hefja undirbúning fyrir prófin, en þau eru á föstudaginn í næstu viku. Svo er auðvitað dansinn byrjaður og verður nóg að gera í honum í vetur. Ég og Rakel eigum að kenna 3 brjendanámskeið og vera svo líka með salsa fjögur miðvikudagskvöld. Get ekki sagt annað en að ég er orðinn ansi stressaður því þetta verða fyrstu námskeiðin okkar og eins og flestir vita á ég það til að verða ansi feiminn, en það þýðir bara ekkert núna. Vona bara að það gleymist um leið og maður er byrjaður að kenna.

Svo má auðvitað ekki gleyma því að KR-ingar urðu Íslandsmestarar um daginn. Verður ekki betra, svo er bara að taka bikarinn líka.

2003-08-27T16:49:00.000Z

Jæja jæja þá erum við búin að kaupa okkur þessa líka fínu tölvu og komin með ADSL. Vííí.

Er byrjaður í skólanum á fullu og vá maður, hvað er mikið að læra. Er strax að drukkna en er bara svo latur. Gaman samt að vera byrjaður aftur.

Fórum á KR-Fylkir um daginn og það var bara vel. Mínir menn í miklu stuði og völtuðu yfir Fylki og eru nú með 4 stig í forskot þegar 3 umferðir eru eftir, hljóta að vinna. United er auðvitað með fullt hús stiga eftir fyrstu tvær umferðirnar í enska og mæta Úlfunum í kvöld. Ronaldo verður sennilega í byrjunarliðinu og verður gaman að fylgjast með honum.

2003-08-10T22:38:00.000Z

Hræðilega er ég lélegur í þessu bloggi, nenni aldrei að taka lappann upp úr töskunni og svona vesen. Verð að kaupa mér tölvu fljótlega.

Ekki er ég mikið skárri í djamminu. Fór í gær til Hinna og við grilluðum og fengum okkur öl ásamt nokkrum félögum úr Jógúrt. Stefnan var tekin á bæinn og við kíktum á Hverfis og Sólon en minn og mín voru orðin þreytt um 2 leytið og skelltum okkur bara heim. Verð að standa mig betur um næstu helgi og taka Ólöfu mér til fyrirmyndar.

Annars var þetta góður dagur fyrir mína menn. United rúllaði yfir Arsenal 5-4 eftir vító og KR malaði slaka KA menn, 2-1. Reyndar áttu KA menn hættulegustu færin en Stjáni var góður í markinu og bjargaði tvisvar meistaralega.

2003-08-03T20:52:00.000Z

Jæja þá er mins kominn vestur á firði, þ.e. Þingeyri City. Allt fínt að frétta héðan, bongó blíða og fínerí. Fór á skrallið í gær með Gunnari frænda, kærustunni hans (Kristrún) og systu norður á Ísó og var það fínt. Í dag var svo tekinn rúntur suður á Látrabjarg, sem er vestasti tangi Evrópu, bæ þe vei. Skoðuðum minjagripasafn í Örlygshöfn, þar var meðal annars gömul Douglas DC 3 og Antonov 2. Ansi myndalegar flugvélar. Flaug einmitt í einni AN-2 úti í Búdapest og það var sérstök reynsla að sjá þetta dóterí fljúga.

Ætla svo bara að taka því rólega, spila golf og fótbolta og stefnan er sett á borgina á föstudaginn kemur.

2003-07-29T18:04:00.000Z

Vííííí. Loksins kominn heim. Svakalega er það gott. Fór að dansa í gær og það var bara snilld. Dansaði slatta en var nú aðeins riðgaður, kemur vonandi fljótt aftur. Dansiball á fimmtudaginn, það verður gaman.

Ætli maður komi nokkuð til með að skrifa mikið hér inn á næstunni. Þarf nú að fara að skila systu tölvunni og þá hef ég enga tölvu. Ég auglýsi hér með eftir tölvu, ef einhver á, eða þekkir einhvern sem á, gamla tölvu sem hann þarf að losna við á góðum prís þá er bara að hringja í mig. Ómögulegt að hafa ekki tölvugarm til að fara á netið.

2003-07-26T19:15:00.000Z

Ég kem heim á morgun!!!!
Ég kem heim á morgun!!!!
Ég kem heim á morgun!!!!
Ég kem heim á morgun!!!!
Ég kem heim á morgun!!!!
Ég kem heim á morgun!!!!
Ég kem heim á morgun!!!!
Ég kem heim á morgun!!!!
Ég kem heim á morgun!!!!
Ég kem heim á morgun!!!!
Ég kem heim á morgun!!!!
Ég kem heim á morgun!!!!
Ég kem heim á morgun!!!!

Hlakka svo til að ég er að deyja. Er búinn að fá alveg nóg af útlandinu í bili. Held að ég haldi mig við 3 vikna ferðir, en ekki 22 vikur.

Ég kem heim á morgun!!!!
Ég kem heim á morgun!!!!
Ég kem heim á morgun!!!!
Ég kem heim á morgun!!!!
Ég kem heim á morgun!!!!
Ég kem heim á morgun!!!!

Rakel ferð í fyrramálið áleiðis til Köben og ég fer seinnipartinn og hitti hana þar. Vonandi kemst hún svo með sama flugi og ég heim, en þá ættum við að vera komin um 21 annaðkvöld. Gaman gaman.

2003-07-25T10:01:00.000Z

Þá er það búið. Loksins loksins. Kláraði síðustu æfinguna í morgun og nú er bara að bíða eftir útskriftinni seinna í dag og svo fluginu heim á sunnudaginn. Enn eru uppi plön um að reyna að komast til Bratislava á morgun en það fer eftir veðri hvort ég nenni.

Erfiður dagur í gær. Byrjaði með því að ég komst að því að KR hefði dottið út úr forkeppni meistaradeildarinnar og las svo í mogganum að Siv tussa væri búin að banna rjúpnaveiðar. Hann endaði hins vegar alveg þokkalega því úrslitin í leikjum Íslandsmótsins í fótbolta voru nokkuð hagstæð fyrir mína menn í KR, þ.e. ef þeir vinna Fram á sunnudaginn. Áfram KR!!!

2003-07-24T16:25:00.000Z

Er brjálaður í dag. Hálfvitinn, hún Siv umhverfisráðherra, er búin að banna rjúpnaveiðar í 3 ár. Skíthæll, drullusokkur, fábjáni. Veit ekkert hvað hún er að gera, gerir bara það sem henni dettur í hug. Áhugasamir um rjúpnaveiði ættuð að kíkja á þessa frétt frá Skotveiðifélagi Íslands. Brjálaður!!!!

2003-07-22T21:43:00.000Z

Enn styttist í það. Erum búin að vera að pakka dóti sem ég ætla að senda heim með flugi því það er ódýrara heldur en að borga yfirviktina. Þvílíkt magn af fötum sem við skötuhjúin erum búin að kaupa. Fékk hálfgert áfall þegar við tókum þetta saman, en þetta er bara svo ódýrt hérna. Gaman að kaupa föt. Veit bara ekki alveg hvað ég á að gera við þetta allt þegar ég kem heim, hef bara ekkert pláss fyrir öll flottu fötin mín.

Er í fríi á morgun og ætlum við að reyna að skoða borgina aðeins með pabba Rakelar sem kemur hingað á morgun í smá heimsókn. Síðan er það bara að klára þetta litla sem er eftir af skólanum og skemmta sér svo ærlega á föstudaginn í útskriftinni.

2003-07-20T13:28:00.000Z

Ekki var skroppið til Bratislava í dag vegna miskilnings með lestarplan. Ekki ákveðið hvenær á að reyna að komast þangað en tíminn fer að verða of lítill. Ekki nema vika þangað til ég kem heim. Kellingin liggur bara í sólinni og slappar af en ég nenni því engan veginn, horfi frekar á formúluna sem er búin að vera ansi lífleg.

2003-07-20T10:04:00.000Z

Þá er ævintýrið með Ronaldinho á enda. Skrifaði undir hjá Barcelona í gær og á nú aðeins eftir að standast læknisskoðun. Stjórn United klúðraði málunum og týmdi ekki að punga út fyrir honum, hálfvitar. En kannski eins gott að hann fór til Barcelona því þeir eru jú mínir menn á Spáni. United þarf nú að drífa sig að versla og reyna að stela Duff frá Chelsea eða Dyer frá Newcastle.

2003-07-20T09:57:00.000Z

Frábær matur í gærkveldi. Ákváðum að prófa Ástralskan pub og það var góð ákvörðun. Fékk mér bland fyrir hugrakka sem samanstóð af grilluðum engisprettum (já engisprettum, það var bara búið að taka vængina af, steiktar með löppum og öllu gumsinu), krókódíl, strút og kengúru. Snilld. Engispretturnar voru bara, ótrúlegt en satt, þokkalega góðar og át ég nokkur stykki. Krókókíllinn var ekkert ósvipaður kjúlla, kengúran minnti mig á steikt hvalkjöt og strúturinn var alveg ágætur. Skemmtileg tilraun þetta.

Núna er stefnan tekin á Bratislava. Ætlum að skella okkur í stutta utanlandsferð. Verðum komin heim aftur í kvöld. Gaman.

2003-07-19T11:31:00.000Z

Æ æ æ æ æ. Greyið hún Rakel er veik. Ekki gaman að vera veik í útlandinu og hafa enga mömmu til að stjana við sig. Ég reyni mitt besta í að stjana við pestarungann minn en það er bara alls ekki eins. Stefnan var tekin á Bratislava í dag, ætuðum semst að skella okkur í utanlandsferð til Slóvakíu. Henni hefur núna verið frestað til morguns, ef heilsan leyfir.

Annars er ég núna bara í enn einu 3 daga helgarfríinu, allar helgar hér í Vín eru búnar að vera 3 daga. Gott það, alltaf verslunarmannahelgi hjá mér en kannski ekki alveg eins og heima. Á svo bara eftir 2 skóladaga í næstu viku, er alltaf í fríi. Þetta er semst allt að taka enda og maður fer að komast heim. Mikið verður það nú gott. Er kominn með nóg af því að éta á veitingarhúsi á hverjum degi, gott að komast í íslenskan mat. Ætli maður eigi ekki eftir að fitna ennþá meira eftir að maður kemur heim, ekki eins og maður hefur ekki gert nóg af því hérna úti!!!

2003-07-18T12:40:00.000Z

Hreinlega varð að stela þessu frá litlu systur. Ansi gott.

Hættulegustu lönd í heimi
Þar sem að sumarið er nú aðalferðamannatími heimsins, þá finnst varla betri tími en akkúrat núna til að birta lista yfir hættulegustu lönd í heimi. Tímaritið Birta, sem er dreift ókeypis um allt höfuðborgarsvæðið sá einmitt ljósið og birti útdrátt úr bók sem kallast "Hættusvæði" eða "Dangerous Places". Þarna er listi og stjörnugjöf yfir hættulegustu svæði heims.

Kólumbía *****
"Eina landið þar sem framin eru fleiri morð en í glæpamynd"

Líbería *****
"Svitastorkinn og afskekktur staður þar sem stokufangi sem hefur verið þjálfaður af Ghaddafí ræður ríkjum..."

Tsjetsjenía *****
"...mannrán álíka algeng og bændagisting í örðum löndum"

Ísrael/Palestína ****
"...þar sem lögmálið auga fyrir auga, tönn fyrir tönn hefur blindað báða deiluaðila"

Afganistan ****
"...heimamann sífellt að brjóta heilann um hvernig þeir geti grætt á bandamönum sínum"

Stóru vötn **** (Búrúndí, Rúandam, 'Uganda og Kongó)
"Styrjaldir, plágur, sjúkdómar - og ódýrar safaríferðir"

Georgía ***
"...í dreifbýlinu hvetja hermdarverkarmenn þig til að staldra við með því að handjárna þig við miðstöðvarofn"

Írak ***
"Heitasta ferðamannaland fyrir Bandaríkjamenn (í einkennisbúningum)"

Jemen ***
"Fleiri byssur æa hvern íbúa heldur en í Texas[...] þarna spígspora smækkaðir Bin Laden-ar um götur og torg"

Pakistan ***
"...land geðstirðra ofsatrúamanna..."

Suður-Afríka ***
"Mandela hét þeim vinnu, húsnæði og bílum - sem þeir eru núna að nálgast sjálfir vopnaðir hríðskotabyssum."

Zimbabwe ***
"Þarna ræður ríkjum undarlegur einræðisherra sem hefur látið sér vaxa Hitlersskegg"

Alsír **
"ótti og eymd á stað sem svipar furðu mikið til Kaliforníu, nema hvað þarna eru mannshöfuð á stjökum"

Indland **
"Mundi þér lítast vel á kjarnorkusprengju ef á hana væri letrað "Made in India"?"

Kúrdistan **
"Stórir hópar landlausra sem dreymir um að ná landssvæðum frá Íran, Tyrklandi, Sýrlandi og Írak."

Nepal **
"...þar sem uprpeisnarmenn biðja ferðamenn afsökunar á morðum og ofbeldi"

Rússland **
"Diskótek, limúsínur, eiturlyf, ódýrt áfengi, gangsterar, skotbardagar."

Balkanskagi *
"Þarna kraumar mikil spenna. Maturinn er vondur, konurnar fallegar og nóg er af stolnum vopnum"

Íran *
"Þarna er ferðamannaiðnaðurinn að þróasta, þótt það fari að vísu svolítið eftir því hvaða nágrenni Bandaríkjamenn eru að taka í bakaríið hverju sinni"

Norður-Kórea *
"Landið sem Bandaríkjamenn segja að sé hjól á öxli hins illa. Þetta hjól hangir á einni ró og er síðasta virki vonlausra drauma um kommunisma. Um að gera að skoða það áður en McDonalds opnar þar útibú"

Bandaríkin *
"Hér ráða Bush og synir ríkjum. Hér eru um 70 morð á dag og 220 milljón byssur tilbúnar að taka þátt í fjörinu. Héðan koma góðar ráðleggingar um hvernig eigi að stjórna öðrum löndum"

2003-07-17T17:01:00.000Z

You are Neo, from "The Matrix." You
display a perfect fusion of heroism and
compassion.

What Matrix Persona Are You?
brought to you by Quizilla

2003-07-17T16:21:00.000Z

Ekki er Tigerinn að meika það í dag á opna breska. Byrjaði fyrstu holu á 7 höggum, 3 yfir pari. Endaði daginn á 2 yfir pari og er 5 höggum á eftir efsta manni. Vona nú að hann fari að sýna sitt rétta andlit og taka þessa vitleysinga í nefið. Gaman að sjá Hvíta hákarlinn, Greg Norman, standa sig vel, en hann er í hópi efstu manna á 2 undir pari. Colin Montgomerie var fyrir því áfalli að detta á rassgatið þegar hann var að fara í morgunmat í morgun, hann var víst að kíkja hvort það væri rigning og sá ekki tröppurnar. Klaufalegt, en leiðinlegt því hann er góður spilari. Hann reyndi að leika en varð að draga sig úr keppni vegna meiðsla.

2003-07-17T16:16:00.000Z

Þá ætti framtíðin að vera ráðin svona ca. næstu 40 árin. Þurfti í gær að taka erfiða ákvörðun, hvort ég vildi vinna í Keflavík tower eða í ACC í Reykjavík. Mjög erfitt þar sem mér finnst mjög gaman í turninum, en ég valdi samt ACC því það var líka alveg frábært og meira fyrir mig, svona smá að hugsa og plana fram í tímann. Hentar mér betur að vinna við það og einnig er öll aðstaða mun betri í RVK heldur en í KEF. Svo er ágætt að losna við að þurfa að keyra til KEF til að fara í vinnu. Annars hef ég nú ekki mikið um þetta að ráða. Gulli skólastjóri ræður þessu víst á endanum, en við fengum að senda inn óskir. Kemur svo bara í ljós 18. ágúst.

Þá að mikilvægari málefnum.
Hvað er að gerast með Ronaldinho og United. Skil þetta ekki. Í gær var nánast formsatriði að klára samninginn en svo í morgun á hann víst að vera á leiðinni til Barcelona. Seinna í dag las ég svo að United menn væru á leiðinni til Parísar til að klára málið, eftir að þeir væri búnir að semja við Kleberson. Kleberson er ungur Brassi, varnarmaður úr HM liði þeirra sem varð heimsmeistari á síðasta móti. Alveg í lagi að fá hann líka. Aldrei áður hefur Brassi spilað fyrir United í sögu félagsins og núna er líklegt að 2 skrifi undir samning í einni og sömu vikunni. Snilld. Þá er Fergie búinn að vera ansi duglegur að bæta upp tapið sem varð að selja Dabba B. Hann byrjaði á að kaupa annan Dabba, David Bellion, svo Djemba-Djemba (frábært nafn, elska það) en hann er frá Columbia, Tim Howard frá USA og svo Brassana tvo. Vel það. Sannfærður um að við verðum meistarar á næsta ári og vonandi tökum við meistaradeildina líka aftur, kominn tími til.
Annars eru hin liðin ekkert að breyta miklu hjá sér. Liverpool er búið að kaupa Kewell (getur ekkert hvort eð er) og Arsenal kaupir ekkert, enda vill enginn fara þangað. Chelsea, eða Chelskí eins og það er kallað í dag, er reyndar að reyna að kaupa alla sem vita hvað fótbolti er. Þeir eru búnir að bjóða í allt. Eru núna langt komnir með að landa Damien Duff og eru núna að reyna við Veron. Ekki gott það því Veron er snilldarleikmaður sem getur vel staðið sig í liði United og Duff er hreint útsagt frábær.
En semst á þetta að verða örlagarík vika fyrir United og ég held að það eigi að vera blaðamannafundur hjá þeim á morgun sem þeir þá vonandi tilkynna þessa nýju leikmenn.

2003-07-16T15:52:00.000Z

Snilld að vera hér í mið-Evrópu þetta sumar. Heitasta sumar í 200 ár og það er vel. Í dag er sól og blíða og 32 stiga hiti. Var að koma frá Dóná, lá þar í sólbaði og skellti mér aðeins útí, gott gott.

Erum á fullu í IFR, byrjum á morgun með blandaða umferð, þ.e. departure og arrival. Gengur bara alveg skítsæmilega og þetta er bara alveg ansi skemmtilegt.

2003-07-14T07:57:00.000Z

Og þá er komið að ferðasögunni

Föstudagur
Vaknað kl. 0600 og lagt í hann kl. 0700, já klukkan 7 á föstudagsmorgni. Fyrsti staður til að skoða var bærinn Mariazell, en hann á víst að vera helgasti staður þeirra Austurríkismanna, nefndur eftir Maríu mey. Þá var haldið í átt að Wörther See, en stoppað í hinum ýmsu smábæum til að skoða aðeins sveitamenninguna. Wörther See er sumarparadís heimamanna sem hafa ekki efni á því að fara í utanlandsferð. Þetta er svaka stórt vatn, sem liggur nálægt Klagenfurt, þægilega heitt og nóg hægt að gera þar. Við skelltum okkur á banana þar og það var vel. Fengum okkur svo aðeins í gogginn og þurftum svo að leggja í hann aftur, allt of stutt stopp þar. Næst lá leiðin upp að Grossglockner, sem er hæsta fjall Austurríkis, 3798 metrar. Keyrðum þar upp í um 2500 metra hæð og skoðuð útsýnið sem var alveg frábært. Nú var farið að líða að kvöldi og þá var um að gera að koma sér á hótel sem var pínulítill sveitabær. Þar var mikið stuð um kvöldið á veitingarhúsinu, live tónlist og ég og Rakel gátum meira að segja tekið snúning. Víí.

Laugardagur
Nú var lagt í hann kl. 0830 og haldið áleiðis að Salzburg. Á leiðinni var litið við hjá einhverri gjá (man ekkert hvað hún heitir enda ekki mjög merkilegt fyrir Íslendinga að skoða gjá) og svo farið inn í stærsta íshelli í heimi, það var bara snilld. Hellirinn er um 42 km langur og virkilega fallegt þar inni. Gaman gaman, þó sumum hafi þótt ansi kalt þar þegar líða tók á ferðina, en hún tók u.þ.b. 70 mínútur (skoðuðum víst bara um 2% af þessum helli). Keyrt inn í Salzburg og skoðað bæinn, sofið.

Sunnudagur
Byrjað á því að skoða Salzburg meira eftir að hafa sofið út, eða til 0900. Salzburg er alveg æðislega fallegur bær. Skoðuðum kastala og hallir og það var alveg hreint ágætt. Keyrðum svo í átt að Wolfgang See og busluðum þar í 2 tíma. Tók nokkur ágætis stökk af stökkbrettti sem var við vatnið, og varð alveg ágætlega rauður á bakinu eftir það. Samt brillíant. Keyrðum svo í gegnum tvo staði á leiðinni heim, Bad Ischl og Gmunden.

Þessi ferð var semst alveg snilld þó stundum hafi veriði langt að bíða eftir hádegis- og kvöldmat. Það var ekki gaman því ég þarf mikið að éta, tala nú ekki um þegar maður er að ferðast.

2003-07-13T20:47:00.000Z

Jæja þá er ég kominn heim eftir langa og erfiða helgi, en alveg frábær skemmtun. Skoðuðum alveg helling og þetta er bara nokkuð fallegt land, Austurríki. Nenni ekkert að skrifa ferðasögu fyrr en á morgun því núna er ég þreyttur og ætla að fara í bælið. Góða nótt!!!

2003-07-10T19:46:00.000Z

Hvað er málið með Ronaldinho. Þetta er það nýjasta. Vona bara að það gangi eftir og að sagan endalausa sé nú loks á enda.

2003-07-10T15:14:00.000Z

Er kominn í helgarfrí!!!!

Skólinn búinn í þessari viku og núna einungis tvær vikur eftir og þá kem ég heim. Gaman gaman. Erum að fara í helgarferð um Austurríki á morgun og það ætti nú að geta orðið ansi gaman. Veit ekkert hvað við erum að fara að skoða, held að það verði farið í einhvern íshelli og skoðað alpana og svona hitt og þetta.

Ekki eru mínir menn að ná að landa Ronaldinho, núna virðist Barcelona verð komið með yfirhöndina, en það er þá skárra en Real Madrid. Kemur í ljós, kemur í ljós.

2003-07-09T15:22:00.000Z

Góðar fréttir í dag úr knattspyrnuheiminum. Real Madrid eru að öllum líkindum hættir við að reyna að kaupa Ronaldinho og því ætti United að ná að landa honum, jafnvel á morgun. Gott mál það. Eru einnig ennþá að reyna að fá atvinnuleyfi fyrir markmannssnillinginn Tim Howard, en hann er frá USA. Menn segja að hann sé einn sá allra besti í bransanum og því á hann auðvitað heima í besta liði í heimi. Hlakka mikið til að sjá Howard í markinu, hann er með Tourette heilkennið og gæti verið forvitnilegt að sjá hvort hann ráði alveg við það undir þeirri gífurlegu pressu sem hann verður undir (þ.e.a.s. ef hann verður keyptur). Sagt er að hann ráði vel við þetta í leikjum því hann fær alltaf góða útrás í búningsklefanum fyrir og eftir leiki. Gaman að sjá hann og Fergie rífast, Ferguson að sparka skóm og Howard að baða út öllum öngum og blóta allsvakalega, en það gerir hann víst oft fyrir leiki. Spennandi að sjá. Howard er aðeins 24 ára gamall og á því enn eftir að toppa. Það þýðir bara eitt, United er jafnvel að tryggja sér nýjan Schmeichel og það er vel. Veit ekki hvað verður um hinn snillinginn í markinu, Bartez, en vonandi verður hann áfram því Howard getur vissulega lært af honum. Kemur allt í ljós, bara að vona að United pungu út nógu miklum pening til að kaupa þessa tvo menn og ekki væri slæmt að fá einhvern gamlann og góðann varnarmann og gefa þá bara Guðjóni og félögum í Barnsley þá Neville bræður.

Annars er nú barasta ekkert að gerast hjá mér núna. Er núna búinn með VFR og byrja á morgun með IFR. Hlakka til. Vorum í dag að berjast við touch and go og low approach, í bland við allt hitt draslið sem við erum búin að læra. Það var fínt en mikið verður gott að komast í þoturnar, það er svo hræðilega erfitt að sjá þessar litlu rellur í simmanum, þrátt fyrir að við erum alltaf með fullkomið skyggni. Ekki alveg nógu gott en á víst bara að gera okkur að betri flugumferðarstjórum. Vona að það sé rétt.

2003-07-08T14:12:00.000Z

Jæja kominn heim úr skólanum og búinn að liggja í sólinni í smá tíma og skoða kellingarnar. Stefnan núna tekin á línuskauta og svo að eta á ítölskum í kvöld. Sólin skín loksins eftir nokkra daga sumarfrí og vonandi að hún láti sér þetta frí næga því mig vantar meiri sól og brúnku.

2003-07-07T19:59:00.000Z

Haldið þið að það hafi ekki verið brotist inn á Tóka munk Frétt mbl.is. Hvað er fólk að spá!!! Fólk er fífl. Tóki er semst PIZZASTAÐURINN á Þingeyri.

2003-07-07T19:00:00.000Z

Jæja þá er þessi dagur að verða búinn og afrakstur hans er nú ekki mikill. Rólegur dagur í skólanum, byrjaði á því að mæta í briefing sem átti að vera kl. 8:30 og komst þá að því að ég hefði barasta getað sofið út því ekkert var sagt í þessu drasli. Fór því bara heim að sofa aftur. Mætti svo klukkan eitt og tók 2 æfingar með blöndu af VFR arrivals og departures (VFR=visual flight rules, semsagt litlar rellur sem mega bara fljúga í sól og blíðu og verða að halda sér í góðri fjarlægð frá skýjum).
Í þessu dóti er nú aðalmálið að nota flugbrautina sem best, koma nokkrum dep. inn á milli arr., og láta flugmennina sjá um separation með því að gefa þeim traffic information, sem er nú kannski ekkert allt of erfitt. Maður verður náttúrulega að fylgjast með þessum vitleysingum og sjá til að þeir geri ekki neina vitleysu, eins og þeim er einum lagið.
Byrjum svo með IFR (instrumental flight rules, semst stærri þotur sem mega fljúga í skýjum) á fimmtudaginn og þá fer gamanið að byrja fyrir alvöru.
Þetta er semst bara fínt, er yfirleitt bara í skólanum hálfan daginn, erum í tveimur hópum, og slappa svo bara af meðan hinn hópurinn puðar í skólanum.
Á morgun og miðvikudaginn er ég búinn á hádegi og því tilvalið tækifæri til að leggjast við sundlaugarbakkann í hódelgarðinum og horfa á gömlu konurnar naktar í sólbaði, nammi namm eða þannig. Það er svona líka flotta nektarnýlenda hér á hótelinu, illa séð að maður sé í stuttbuxum þar og ég var meira að segja rekinn inn í vor því ég var ekki á sprellanum. Flott það!!!

2003-07-06T10:43:00.000Z

Nammi nammi, fórum á Gasometer Noodlehouse í gær. Besti matur í heimi. Fékk mér núðlur með kjúlla og miklu chili og Rakel fékk sér Chop Suy. Frábært. Fullkomnuðum svo máltíðina með því að fá okkur ís á McDonald's.

2003-07-05T16:44:00.000Z

Jæja þá er ég nú búinn að fikta smá og læra örlítið. Síðan farin að taka á sig smá mynd og núna er aðalatriðið eftir. Að nenna að skrifa eitthvað sem er kannski ekki líklegt þegar kemur að mér, en það verður bara að bíða og sjá.

Annars er nú bara allt fínt að frétta af mér, er að fíla mig vel í þessu flugumferðarstjórnardóti og ekki slæmt að vera hérna í Vín að þykjast vera að læra. Mætti reyndar vera skárra veður, en núna er bara rigning og skítakuldi, svona um 24 gráður.

Hvað er Real Madrid að spá!!! Skíta þeir peningum. Núna ætla þeir að stela Ronný frá United og strá aðeins salt í sárin. Var ekki nóg að taka Beckham??? Er ekki alveg sáttur við þetta, Fergie verður nú að fara að landa stjörnum svo þeir skíti ekki á sig á næstu leiktíð.

Og ekki er ástandið skárra á Klakanum, KR gerði 0-0 jafntefli við ÍBV og þeir geta ekkert. KR núna um miðja deild og eins gott að þeir fara að hífa upp um sig buxurnar. Eru með langbesta liðið og hananú. Áfram KR

2003-07-04T15:15:00.000Z

Ég er bestur

2003-07-04T14:38:00.000Z

Þetta er nú ljóta ruglið þetta blogg. Ég kann barasta ekkert á þetta, en reyni að fikta